Mafundisho yenye hekima

[7/4/2015, 22:53] Sara Dadi: Assalam allaykum Warahmatullah Wabarakatuh
Leo hii Ramadhani ya usiku wa 17 ambayo ni historia kubwa ya ushindi wa kusimamishwa dola ya kiislam huko Madina ambapo Waislam kwa mara ya kwanza walipigana vita vya Badr na Makuraysh na vita hivyo vilileta ushindi mkubwa kwa Waislam kutokana na manyanyaso kutoka kwa Makuraysh ambapo pigo hilo liliwapelekea kuuliwa kwa viongozi wakubwa wa Kikureshi akiwa Utabah, Abu Jahil, Ummaya na Walid ambaye mtoto wa Utbah.
Kilio hicho kiliacha simanzi katika kila nyumba za Makuraysh wa Makka baada ya kuuliwa jamaa zao.
Tuweni pamoja usiku katika msikiti wa Mwembetanga tukifuatilia kwa makini na kujifunza yale yaliyojiri katika VITA VYA BADRI vilivyopiganwa katika mwezi wa Ramadhani mchana wa tarehe 17 na vilikuwa katika mwezi wa 2 wa Hijriyah yaani baada ya Mtume.s.a.w kuhama Makka kwenda Madina.
Waislam tuna haki ya kuazimisha na kujivunia kwa kulizungumza tukio la vita vya Badr.
Mtume s.a.w alifika kumuomba Mwenyezi Mungu ushindi katika vita hivi kwani kushindwa kwake kungewavunja moyo sana Waislam.
Badr ni eneo liliopo nje ya mji wa Madina lililoko maili 150 na limenasabishwa na jina la mtu aliyeishi hapo akijulikana kwa jina la Badr. Sababu za vita hivi ni nyngi hasa baada Waislam kuhama Makka kutokana kuhujumiwa na kuudhiwa kwa Waislam wakati walipokuwa wakihama na wakiishi Makka.
Msafara wa Amr bin Alhadhram wa kikuraysh baada ya kutekwa na Mtume.s.a.w na watu wake na hiyo ilikuwa ni haki ya Waislam nao kulipiza kisasi wakati wao wakihama. Baada ya Mtume.s.a.w kupata taarifa kupitia majasusi wake wakagundua kuna msafara wa Abu Sufyan wa kuleta mali Makka ambapo kulianza kuwa na ukame.
Mnamo tarehe 8 ya mwezi wa Ramadhani Mtume.s.a.w alitoka na watu wake 313 kwenda kuuvamia na kuuteka msafara wa Abu Sufyan. Abu Sufyan nae alikuwa akifanya upelelezi wake akakutana na Bwana mmoja anaitwa Majid na akamuuliza jee hujaona jeshi kutoka Madina. ? Akajibiwa kuna kundi tu lilikuwa na wanyama wao walikuwa wakiwanywesha wanyama huo. Lakini Abu Sufyan hakutosheka alienda kuangalia sehemu ya kambi hiyo ya Mtume.s.a.w basi aligundua kwenye haja za wanyama hao kulikuwa na kokwa za tende na akagundua kuwa ni watu wa Madina wako njiani kuuteka kama msafara wa mwanzo ulivyotekwa wa Amr. Abu Sufyan alimtuma mjumbe wake aende haraka Makka na kuwapa taarifa kuwa msafara wao unataka kuvamiwa na msafara huo ulikisiwa wa thamani ya Dinari 50,000 na ngamia kama 1000.
Kuunusuru msafara huu ni kupigana kuinusuru uchumi wa Makka lakini vilevile Makuraysh walikuwa wanaangalia kumaliza fitna ya Muhammad na Uislamu wake. Mtume s.a.w katika upelelezi wake akagundua Abu Sufyan kabadilisha njia tayari na pia kuna jeshi la Makuraysh linakuja kutupiga. Baada ya Mtume.s.a.w kushauriana na masahaba wake waukabili msafara wa kijeshi na hapo watu wa Makka wakatoa rai tuingie vitani na huku wengine walisema hili sio lengo baada ya msafara wa Abu Sufyan kugeuza njia.
Mtume s.a.w kama kawaida hupewa bishara ya kupigana vita lakini bado aliwataka ushauri watu wa Madina na bwana Saad Al ansari akajibu kusema sisi tumekuamini na tunakuskiliza na tutakutii na tunasema Yarasullalahi endelea tu hata ukituambia tuvuke bahari nawewe tuko tayari. Kwahiyo tupo pamoja na hatoondoka hata mmoja kati yetu na kesho mtaona yale ambayo tumejitayarisha nao na Mtume.s.a.w baada ya kukubaliana makundi yote 2 kuingia vitani ndio Mtume.s.a.w akawaambia kuna bishara katika Suratul Anfal kuwa moja ya kundi hilo litashinda.
Abu Sufyan akamtuma mjumbe kwa jeshi la Makuraysh kuwa warudi baada ya msafara wake kupona lakini Abu Jahil akasema hakuna kurudi twendeni vitani tukawauwe tuchinje tule tulewe na tucheze kwa raha zetu kwa kuzima fitna ya Uislamu na kuwaonesha waarabu wote sisi ni nani.
Mtume s.a.w alitoka na Say Abubakar RA kufanya ujasusi wakakutana na mtu mmoja katika sehemu ijulikanayo Ruqaiya na kumuuliza jee kuna jeshi la Makuraysh na kuna jeshi la Muhammad pia.
Basi yule bwana akamwambia niambie nani nyinyi kwanza ?
Mtume.s.a.w akamwambia tuambie kisha tutakujibu basi yule bwana akawajibu kuna kundi kubwa la jeshi la Makuraysh na kundi dogo la majeshi ya Muhammad na wapo njiani. Basi Mtume alipotakiwa ajibu ni nani hao akajibu sisi tunatokana na watu wa Maji kiasi ambacho yule bwana akachanganyikiwa akikusudia nini? Basi Mtume s.a.w akatuma wapelelezi wake wakawakuta vijana 2 wanawachotea maji Makuraysh na wakawateka ndipo walipowasaili wakagundua idadi yao ambapo kwa siku wanachinja ngamia 9 mpaka 10 kwa siku na jeshi ni kubwa. Na pia akamtajia wale wakubwa wa Makuraysh waliokuja na jeshi hilo na Mtume Salla Allahu A’alayhi Wasallam akawaambia watu wa Madina NIMEKULETEENI MAINI YA MAKKA kwa maana wakubwa wa Makka.
Mtume.s.a.w Alifunga kambi katika sehemu iliyo nyuma ya visima vya maji ya Badr mpaka sahaba 1 alipomuuliza Mtume.s.a.w huu ni Wahyi tukae hapa au ni uamuzi wako basi akamjibu ni wangu na sahaba akamshauri wakae mbele ya visima vya maji ili wavihodhi visima hivi kama ni mkakati wa kivita na Mtume.s.a.w alikubali ushauri huo.
Ndipo Abu Jahl akatuma wapelelezi wake na kujibiwa wako kidogo kijeshi lakini wamejitayarisha na kufa na hakuna jengine lolote wanalolisubiri na mtaona kitakachotokea .
Jambo hilo liliwatisha Makuraysh na baadhi yao wakataka wasipigane lakini Abu Jahl akawaambia hatutishwi nao na tuko tayari kukabiliana na Waislam.
Mtume.s.a.w akasali usiku ule kwenye hema lake na kumuomba Mwenyezi Mungu ampatie ushindi, na usiku ule ikanyesha mvua na pia kuwalaza usiku ule kwa mapumziko.
Ilipofika muda wakaanza kupambana na kawaida ya waarabu kutangulizana mmoja kila upande kupigana na walipotoka vijana wa kiansari Makuraysh walisema tupeni wa Makka wenzetu na ndipo Waislam walitoka Say Hamza Say Ali na Ubaydah na Makuraysh wakatoka Utbah Walid na Shaiba ambao wote 3 waliuwawa mwanzoni na Ubaydah akajeruhiwa na alikufa siku ya 4 . Ndipo Makuraysh waliingia kichwa kichwa na kupigwa vibaya na Mtume.s.a.w akawa anawarushia mchanga Makuraysh kwa amri ya Mwenyezi Mungu na kufanikiwa kuwauwa mpaka kuuliwa kwa Ummaya na Abu Jahl kuukata mzizi wa fitna wa Makuraysh.
Maiti za Makuraysh zikatumbukizwa kwenye kisima kimoja hakina maji na usiku ule Mtume.s.a.w akaenda kusema na maiti wale mpaka Masahaba wakashangaa na Mtume.s.a.w akawajibu wanaskia kuliko nyinyi mlio hai. Na katika vita vile kulikuwa na Malaika 1000 walikuja kupigana na masahaba waliwashuhudia wakipigana.
Baadae wakachukua ghanima na mateka na wakataka ushauri wafanye nini?
Rai ya Say Abubaker RA ilikuwa ni watoe fidia ndio wasamehewe na rai ya Say Ummar RA alisema wakatwe vichwa ili wasirudi tena kupigana.
Watu wa Madina walifurahia sana kwa ushindi huu na somo kubwa ni kumtegemea Mwenyezi Mungu kwa kila kitu lakini Mtume.s.a.w hakukaa tu bali usiku kucha alikuwa akisali na kumuomba Mwenyezi Mungu kumpa ushindi .

Posted by Sara